बुधबार सेयर बजारका सबै सूचक घटे
सहयात्रा टिभी
काठमाडौँ । भदौ २४, बुधबार सेयर बजारका सबै सूचक घटेका छन् । बजार परिसूचक नेप्से १५.४३ अंक घटेको छ ।
आजको कारोबारपछि नेप्से २५४५ अंकमा कायम भएको छ । अघिल्ला लगातार चार दिन बढेको बजार आज घटेको हो ।
कारोबार रकम सामान्य बढेको छ । अघिल्लो दिन ३ अर्ब ८३ करोडको कारोबार भएकोमा आज ४ अर्ब १९ करोडको भयो । ७४ कम्पनीको मूल्य बढ्दा १९२ को घट्यो भने ११ को स्थिर रह्यो । विकास बैंक समूह सबैभन्दा धेरै २.३७ प्रतिशत घट्यो ।
इमर्जिङ नेपाल, सिन्धु विकास बैंक तथा जानकी फाइनान्सको मूल्य १५ प्रतिशत घट्यो । सिन्धु र जानकीलाई मुक्तिनाथ विकास बैंकले एक्विजिसन गर्ने समझदारी भएयता मूल्य घटिरहेको छ ।
आज धेरै कारोबार भएका कम्पनीमा रिलायन्स स्पिनिङ मिल्स, सेन्ट्रल फाइनान्स, एनआरएन इन्फ्रास्ट्रक्चर, सोलु हाइड्रोपावर, शिवम् सिमेन्ट, सानिमा मिडिल तमोर, इमर्जिङ नेपाल छन् ।