नेदरल्यान्ड्सविरुद्ध नेपाल पहिला ब्याटिङमा
सहयात्रा टिभी
काठमाडौं । फागुन १३, आईसीसी विश्वकप लिग टु अन्तर्गत अन्तिम खेलमा नेपालले नेदरल्यान्ड्स विरुद्ध पहिला ब्याटिङ गरिरहेको छ ।
त्रिवि क्रिकेट मैदानमा टस जितेर नेपालविरुद्ध नेदरल्यान्ड्सले पहिला फिल्डिङ गर्ने निर्णय लिएको हो ।
नेदरल्यान्ड्सविरुद्धको खेलमा नेपालले २ परिवर्तन गरेको छ ।
जारी लिगमा ३ खेल खेलेका नेदरल्यान्ड्स र नेपालले एक खेलमा जित र २ खेलमा हार बेहोरेका छन् । पहिलो खेलमा नेदरल्यान्ड्स नेपालसंग पराजित भएको थियो ।
नेपालले सोमपाल कामी र देव खनाललाई बेन्चमा राख्दै आरिफ शेख र गुल्सन झालाई टिममा राखेको छ ।
नेपालको टोली: रोहित पौडेल, आसिफ शेख, आरिफ शेख, अनिल शाह, कुशल भुर्तेल, कुशल मल्ल, भीम सार्की, दीपेन्द्र सिंह ऐरी, करण केसी, गुल्सन झा, ललित राजवंशी