प्रहरी र विद्यार्थीबीच झडप, अखिल उपाध्यक्ष र महासचिव घाइते
सहयात्रा टिभी
काठमाडौं । मंगलबार अनेरास्ववियुको विरोध प्रदर्शनमा विद्यार्थी र प्रहरीबीच झडप भएको छ ।
अनेरास्ववियुले मंगलबार दिउँसो गरेको विरोध प्रदर्शनमा प्रधानमन्त्री शेरबहादुर देउवा र निर्वाचन आयोगका प्रमुख आयुक्त डा. अयोधीप्रसाद यादवको पुत्लासहित प्रदर्शन गरेपछि झडप भएको हो ।
प्रतिनिधिसभाको समानुपातिकतर्फको मतपरिणाम सार्वजनिक गर्न र पेट्रोलियम पदार्थको मूल्यवृद्धि फिर्ता गर्न माग गर्दै मंगलबार गरिएको प्रदर्शनमा विद्यार्थी र प्रहरीबीच झडप भएको हो ।
त्रिचन्द्र क्याम्पसअगाडि विद्यार्थीले प्रधानमन्त्री देउवा र प्रमुख निर्वाचन आयुक्त यादवको पुत्ला प्रहरीले खोसेपछि झडप भएको हो । पुत्ला खोस्नेक्रममा प्रहरीले लाठी प्रहार गरेको थियो । पछि विद्यार्थीले पनि ढुंगा हान्न थालेपछि प्रहरीबाट अश्रुग्यास प्रहार गरिएको थियो ।