‘लाज शरणम्’को कमाइ कति ?,

सहयात्रा टिभी

काठमाडौँ । फागुन २२, ‘लाज शरणम्’ प्रदर्शनको दोस्रो सातामा प्रवेश गरेको छ । कुमार कट्टेल निर्देशित फिल्मले पहिलो साता घरेलु बक्सअफिसमा सुखद कमाइ गरेको छ ।

पहिलो साता यो फिल्म मुलुकका झण्डै २०० शोसहित प्रदर्शनमा आएको थियो । महाशिवरात्रिको अवसरमा प्रदर्शनमा आएका फिल्ममध्ये ‘लाज शरणम्’को कमाइ ‘फेरि रेशम फिलिली’ र ‘मायावी’भन्दा धेरै छ ।

तीनै फिल्म एकैसाथ आउँदा कुनै पनि फिल्मले अपेक्षाकृत कमाइ चाहिँ गर्न सकेनन् । यद्यपि, ‘लाज शरणम्’ले सुखद कमाइ गरेको छ । चलचित्र विकास बोर्डको बक्सअफिस रिपोर्टअनुसार फिल्मले पहिलो साता २ करोड ७० लाख रुपैयाँ ग्रस हाराहारीमा कमाइ गरेको छ ।

वितरकको डेटामा कमाइ केही बढी हुनसक्छ । झण्डै ३ करोड हाराहारीमा वितरकको कमाइ रिपोर्ट हुनसक्ने अनुमान छ । यो हिसाबमा दोस्रो साताको कलेक्सन समावेश छैन ।

वितरक र निर्माताले पहिलो साताको कलेक्सन रिपोर्ट सार्वजनिक गरेका छैनन् । ओपनिङ १ करोड १० लाख रुपैयाँ ग्रस कमाइ गरेको बताएका थिए । यो मल्टिस्टारर फिल्मलाई टिभी श्रृंखला ‘सक्किगो नि’को निर्माता कम्पनी जेपीटी क्रिएसनले निर्माण गरेको हो ।