काठमाडौंमा निर्वाचनलाई लक्षित गरी सुरक्षा गस्ती सुरु
सहयात्रा टिभी
काठमाडौं । माघ १६, फागुन २१ गते हुने प्रतिनिधि सभा निर्वाचनलाई लक्षित गरी जिल्ला प्रहरी परिसर काठमाडौंले गस्ती बढाएको छ ।
जिल्ला प्रहरी परिसर काठमाडौंका एसएसपी रमेश थापाले निर्वाचन लक्षित अहिले एकीकृत सुरक्षा गस्ती समेत सुरु गरिएको बताए ।
उनका अनुसार काठमाडौंमा अहिले नेपाली सेना, नेपाल प्रहरी र सशस्त्र प्रहरी बलको संयुक्त गस्ती समेत सुरु गरिएको छ ।
यसका साथै होटल, लजहरुमा ‘डग स्नीफिङ’सहितको जाँच समेत सुरु गरिएको प्रहरीले बताएको छ । काठमाडौंका विभिन्न ठाउँहरुमा ‘सरप्राइज चेकिङ’ समेत सुरु गरिएको छ ।
सुरक्षा चुनौतीका खबर संकलन गर्दै त्यसलाई विश्लेषण गरी सुरक्षा रणनीति बनाएर काम गरिने एसएसपी थापाले बताए ।
काठमाडौं जिल्लामा ३२० मतदानस्थलहरु छन् । जसमा १७६ सामान्य र १४४ संवेदनशील मतदानस्थलहरु छन् । अतिसंवेदनशील मतदानस्थल भने काठमाडौंमा एउटा पनि छैनन् ।
निर्वाचनलाई लक्षित गरी काठमाडौंमा मात्रै ३ हजार ८५४ निर्वाचन प्रहरी भर्ना गरिएको छ ।