खेलौना विगारेको भन्दै ५ वर्षीया बालिकाको हत्या
सहयात्रा टिभी
कास्की । चैत्र १२, पोखरामा एक १४ वर्षीय बालकले ५ बर्षीया बालिकाको हत्या गरेका छन् । पोखरा–लेखनाथ महानगरपालिका बस्ने बालकले सोही स्थान बस्ने ५ बर्षीया बिहानी थापाको हत्या गरेका हुन ।
आफ्नो खेलौना बिगारिदिएको भन्दै थापाको हत्या गरेको हुन सक्ने प्रहरीको प्रारम्भिक अनुमानले देखाएको छ ।
बालिकाको खोजी गर्ने क्रममा राति १० बजे सिमेन्टको बोरा, ढुंगा र बालुवाले छोपेको अवस्थामा शव फेला परेको थियो । प्रहरीले घटना बारे विस्तृत अनुसन्धान भइरहेको बताएको छ ।