नेपालमा कोरोना आज मात्र थप २३२ जनामा कोरोना पुष्टि, कुल संक्रमित संख्या १५ हजार ४९१ पुग्यो

सहयात्रा टिभी

काठमाडौं। असार–२०,शनिबार थप २३२ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । मन्त्रालयले शनिबार आयोजना गरेको नियमित प्रेस ब्रिफिङमा प्रवक्ता डा. जागेश्वर गौतमले संक्रमितको संख्या १५ हजार ४९१ पुगेको जनाएका हुन् ।

जिल्लागत तथ्यांकअनुसार संक्रमित हुनेमा
अछामका -३७,
डडेलधुराका -३,
डोटीका -३,
गुल्मीका -९,
कञ्चनपुरका -६,
नवलपरासी पश्चिमका -४,
पाल्पाका -१६,
प्युठानका -६,
रुपन्देहीका -४,
सर्लाहीका -१६,
सिन्धुपाल्चोकका- १२,
मोरङका -६,
सिरहाका- २१,
इलामका -१,
झापाका -५,
सप्तरीका -३६,
धनुषाका -१५,
चितवनका -६,
नवलपरासी पूर्वका- ७,
बागलुङका -३ ,
म्याग्दीका -३,
तनहुँका -१,
स्याङ्जाका- १,
पाल्पाका -३,
प्युठानका- २,
बाँकेका -५,
रोल्पाका -२ र
दैलेखमा -१ जना रहेका छन् ।

यस्तै कोरोना भाइरस संक्रमणबाट आज थप दुईको मृत्यु भएको स्वास्थ्य तथा जनसंख्या मन्त्रालयले औपचारिक रुपमा पुष्टि गरेको छ । प्रेस ब्रिफिङमा प्रवक्ता डा जागेश्वर गौतमले मृत्यु हुनेमा गोरखा पालुङटार नगरपालिका–७ का ४४ वर्षीय कोरोना संक्रमित पुरुषको उपचारको क्रममा असार २० गते शनिबार बिहान ५ बजे मृत्यु भएको बताए । उनी मधुमेहका बिरामी थिए । उनको असार १९ गते कोरोना पोजिटिभ पुष्टि भएको थियो । उनी १७ गते कतारबाट नेपाल फर्किएका थिए ।त्यसैगरी मृत्यु हुनेमा रुपन्देही देवदह नगरपालिकाका ७५ वर्षीय वृद्ध रहेका छन् । उनी क्षयरोगको उपचार गराइरहेका थिए । उनको असार १७ गते मृत्यु भएको र कोरोना रिपोर्ट पोजिटिभ भने असार १८ गते आएको मन्त्रालयले जनाएको छ । योसँगै नेपालमा कोरोनाबाट मृत्यु हुनेको संख्या ३४ पुगेको छ ।

भने नेपालमा कोरोना भाइरस संक्रमण निको भएर पछिल्लो २४ घन्टामा २७२ जना डिस्चार्ज भएका छन् । स्वास्थ्य तथा जनसंख्या मन्त्रालयले विभिन्न अस्पतालको आइसोलेसनमा उपचाररत संक्रमित २७२ जना निको भर शनिबार घर फर्किएको जानकारी दिएको हो । यो सँगै हालसम्म निको हुनेको संख्या ६ हजार ४१५ पुगेको छ ।