त्रिवि शिक्षण अस्पतालका थप ८ स्वास्थ्यकर्मीमा कोरोना संक्रमण

सहयात्रा टिभी

काठमाडौं । श्रावण–३०, महाराजगञ्जस्थित त्रिवि शिक्षण अस्पतालमा थप ८ जना स्वास्थ्यकर्मीमा कोरोना संक्रमण पुष्टि भएको छ।अस्पतालका कोभिड–१९ व्यवस्थापन समितिका संयोजक डा. सन्तकुमार दासले शुक्रबार आएको रिपोर्टमा बिहान ४ र अहिले दिउँसो ४ जना गरी ८ जना स्वास्थ्यकर्मीलाई संक्रमण देखिएको बताए ।उनले भने, ‘संक्रमितमा १ जना चिकित्सक र अरु ७ जना नर्स रहेका छन् ।’

योसँगै त्रिवि शिक्षण अस्पतालमा संक्रमित हुने स्वास्थ्यकर्मीको संख्या २६ पुगेको छ। उनका अनुसार अधिकांशमा कोरोनाका लक्षण रहेका छन् । जसमध्ये ४ जना जति होम आइसोलेसनमा बसेका छन् ।बुधबार मात्रै आकस्मिक सेवा विभागका २ चिकित्सक र ४ जना नर्समा कोरोना संक्रमण देखिएको थियो ।डा दासले आकस्मिक सेवा विभागका सय भन्दा स्वास्थकर्मीको कोरोना परीक्षणका लागि स्वाब संकलन गरिएको छ ,परीक्षणपश्चात मात्र आकस्मिक कक्ष खोल्ने जानकारी गराए ।