पछिल्लो २४ घन्टामा थप ६ सय ४१ जनामा कोरोना पुष्टि,कुल संक्रमित संख्या २६ हजार ६ सय ६१ पुग्यो

सहयात्रा टिभी

काठमाडौं । श्रावण–३२,पछिल्लो २४ घन्टा मा देशभरका प्रयोगशालामा गरिएको परीक्षणमा थप ६ सय ४१ जनामा कोरोना संक्रमण पुष्टि भएको छ । योसमेत हालसम्म संक्रमित हुनेको संख्या २६ हजार ६ सय ६१ पुगेको छ ।स्वास्थ्य तथा जनसंख्या मन्त्रालयका अनुसार यो अवधिमा १२ हजार दुई सय ४७ जनाको नमुना पिसिआर विधिबाट परीक्षण गरिएको थियो । मन्त्रालयका प्रवक्ता डा.जागेश्वर गौतमले हाल सक्रिय संक्रमितको संख्या नौ हजार दुई सय २१ जना रहेको बताए ।

कोरोना संक्रमणबाट थप दुईजनाको निधन भएको छ ।स्वास्थ्य तथा जनसंख्या मन्त्रालयका अनुसार एक महिला र एक पुरुषको निधन भएको हो ।योसमेत देशभर कोरोना संक्रमण भएर निधन हुनेको संख्या एक सय चार पुगेको छ ।मन्त्रालयका प्रवक्ता डा। जागेश्वर गौतमले पर्सा जिल्लाका एक पुरुष र मोरङ जिल्लाकी एक महिलाको मृत्यु भएको जानकारी दिए । हालसम्म मृत्यु हुनेमा पुरुष ८१ जना र महिला २३ जना छन् । आज एक सय ३४ जना निको भएर डिस्चार्ज भएका छन् ।