धादिङमा बस र ट्रक ठोक्किँयोः १ को मृत्यु, १२ जना घाइते
सहयात्रा टिभी
काठमाडौं । साउन ३२, धादिङमा बस र ट्रक ठोक्किँदा एक जनाको मृत्यु भएको छ भने १२ जना घाइते छन् ।
जिल्लाको गल्छी गाउँपालिका–६ बैरेनीमा बा ३ ख ४०१४ नम्बरको बस र भारतीय नम्बरको ट्रक गए राति करिब २ बजे आपसमा ठोक्किँदा दुर्घटना भएको हो ।
दुर्घटनामा परी गम्भीर घाइते भएकी सोलुखुम्बुको महाकुलुङ गाउँपालिका–३ की २७ वर्षीया रेनुका कुलुङको काठमाडौंको राष्ट्रिय ट्रमा सेन्टरमा उपचारको क्रममा मृत्यु भएको प्रहरीले जनाएको छ ।
घाइतेमध्ये तीनजनाको गल्छीस्थित अस्पतालमा उपचार भइरहेको छ भने ९ जनाको राष्ट्रिय ट्रमा सेन्टरमा उपचार भइरहेको छ ।