डुम्रे–लमजुङ सडकखण्ड पहिरोले अवरुद्ध
सहयात्रा टिभी
तनहुँ । असोज ०५, तनहुँ जिल्लाको डुम्रे–लमजुङ बेँसीसहर सडकखण्ड अवरुद्ध भएको छ ।
सोमबार राति परेको पानीका कारण भानुनगरपालिका–८ पाँचसय फाँटमा पहिरो खस्दा सडक अवरुद्ध भएको हो ।
माथिबाट पहिरो र रुख एकैसाथ खस्दा सडक अवरुद्ध भएकाले पन्छाउनका लागि सडक डिभिजन कार्यालयको डोजर र टिपर मगाइएको पुर्कोट प्रहरी चौकीका इन्चार्ज प्रहरी नायब निरीक्षण कबिन्द्र गुरुङले बताए ।
बिहानैदेखि पहिरो पन्छाउनका लागि डोजर र टिपर पठाइदिन फोन गरे पनि फोन नउठेकाले ढिलाइ भएको उनले जनाए।