चितुवाको छालासहित चार जना पक्राउ
सहयात्रा टिभी
काठमाडौं कार्तिक ९, चितुवाको छालासहित चार जना कारोबारीलाई सुर्खेत प्रहरीले पक्राउ गरेको छ ।
पक्राउ परेका चार जनालाई जिल्ला प्रहरी कार्यालय सुर्खेतले आइतबार सार्वजनिक गरेको हो । जिल्ला प्रहरी कार्यालय र कर्णाली प्रदेश ब्युरोको संयुक्त टोलीले शनिबार बराहताल गाउँपलिका ५ बड्डी चौरबाट उनीहरूलाई पक्राउ गरेको जनाइएको ।
पक्राउ पर्नेमा अछाम पञ्चदेवल नगरपालिका कमल शाही, बहादुर शाही, रामारोशन गाउँपालिकाका ओपेन्द्र शाह र दैलेख चामुन्डाबिन्द्रासैनी नगरपालिकाका बिलम शाही रहेको जिल्ला प्रहरी कार्यालय सुर्खेतले जनाएको छ ।