सेयर बजार परिसुचक उच्च अंकले घट्यो
सहयात्रा टिभी
काठमाडौँ । कात्तिक २३, आज बुधबार नेपाल स्टक एक्सचेञ्ज (नेप्से)मा ३९.१५ अंकको गिरावट आएको छ । कारोबार समयदेखि घट्न थालेको नेप्से अन्तिम समयसम्ममा झण्डै ४० अंकले घटेर बन्द भएको हो । उच्च अंकको गिरावट आएसँगै परिसूचक १९ सय १७ अंकमा पुगेर रोकिएको छ ।
यस्तै, आज सेन्सेटिभ समूहमा ७.६८ अंकको गिरावट आएको छ । २ प्रतिशतले घटेसँगै यो समूहको परिसूचक ३७६.५३ अंकमा पुगेर रोकिएको छ । यसक्रममा आज ३६ लाख ९७ हजार कित्ता सेयर किनबेच भएर १ अर्ब ४० करोड ७३ लाख रुपैयाँ बराबरको कारोबार भएको छ ।
सेयर परिसूचक उच्च अंकले घटेको दिन सबै समूहमा गिरावट आएको छ । यीमध्ये जीवन बीमा समूहमा १९९ अंकको गिरावट आएको छ । यस्तै, निर्जीवन बीमा समूहमा १४४ अंकको गिरावट आउँदा उत्पादनमूलक समूह १३६, लघुवित्त समूहमा ११९ र विकास बैंक समूहमा ११० को गिरावट आएको छ ।
यो कम्पनीको सेयर मूल्यमा ७ प्रतिशतको वृद्धि आएको छ । यससँगै, प्रति कित्ता २७ रुपैयाँले बढेर सेयर मूल्य ३९१ रुपैयाँ पुगेको छ । यस्तै, आज एक्सेल डेभलपमेन्ट बैंकको सेयर मूल्य करिब ८ प्रतिशतले घटेको छ । यससँगै, प्रतिकित्ता २६ रुपैयाँले घटेर कम्पनीको सेयर मूल्य ३०१ रूपैयाँ पुगेको छ ।