Author: chanda production1

काठमाण्डौं । वैशाख – ५, गुन्डा नाइके मनोज पुनको इन्काउन्टरमा प्रहरीद्धारा मारिएको दुइ महिना नबित्दै उनका सहयोगीहरुलाई प्रहरीले धमाधम पक्राउ गरिरहेको छ ।

सत्तारुढका केन्द्रिय सदस्य देखि भातृ संगठनका नेता लगायत हालसम्म २३ जनालाई प्रहरीले पक्राउ गरिसकेको छ । प्रहरीका अनुसार पक्राउ पर्नेमा माओवादी केन्द्रका केन्द्रीय सदस्य लेखनाथ न्यौपाने, युथ फोर्सका पूर्व जिल्ला नेता उत्तम आचार्य त्यसैगरि मदिरा उद्योगी हरि श्रेष्ठ समेत रहेका छन् । पक्राउ परेकाहरुले मनोजलाई जिल्लाका उद्योगी व्यवसायीहरुको सम्पूर्ण विवरणहरु उपलब्ध गराउने गरेको रुपन्देहीका प्रहरी उपरीक्षक (एसपी) श्याम ज्ञवालीले जानकारी दिए । मनोज पुनको जालोमा पक्राउ परेका केहि व्यक्तिहरु राजनीतिक व्यक्ति भए पनि उनीहरुलाई कुनै दलले संरक्षण नदिएको प्रहरीले जानकारी दिएको छ ।

काठमाण्डौँ । बैशाख-५, भदौमा बंगलादेशमा हुने साफ च्याम्पियनसीप फुटबलमा नेपाल समूह ‘ए’ मा परेको छ।

बुधवार बंगलादेशको राजधानी ढाकामा भएको ड्रमा नेपाल समूह ‘ए’मा परेको हो । नेपालको समुहमा आयोजक बंगलादेशसँगै पाकिस्तान र भुटान रहेका छन् भने समूह ‘बी’ मा भारत, माल्दिभ्स र श्रीलंका रहेका छन् । प्रतियोगिता आगामी भदौ १९ गतेदेखि ३० गतेसम्म बंगलादेशमा हुनेछ । बंगबन्धु रंगशालामा हुने खेलमा नेपालले पहिलो खेल पाकिस्तानसँग खेल्नेछ ।

काठमाण्डौ ।बैशाख–४, लामो समय देखि बिरामी परेका वरिष्ठ साहित्यकार डा. कुमार बहादुर जोशी को उपचारको क्रममा आज निधन भएको छ । दुइपटक मृगौला प्रत्यारोपण गरिसकेका जोशीको ललितपुरको सुमेरु अस्पतालमा उपचारको क्रममा ७७ वर्षको उमेमा मृत्यु भएको हो ।

बिरामी भएर सभासमारोहमा समेत देखा पर्न छाडेका जोशी केहि समय देखि घरमै बसि औषधि सेवन गरिरहेका थिए । महाकवि लक्ष्मि प्रसाद देवकोटाको बारेमा विद्यावारिधि समेत गरिसकेका डा. जोशीले थुप्रै पुस्तकहरु प्रकाशन गरिसकेका छन् ।

काठमाण्डौं । वैशाख –४, आइसीसीको उपस्थितिमा नेपाल क्रिकेट संघ ( क्यान) को विशेष साधारणसभा यहि विहिबार र शुक्रबार काठमाण्डौंमा बस्ने भएको छ । क्यानका महासचिव अशोकनाथ प्याकुरेलका अनुसार आइसीसीबाट को उपस्थित हुने भन्ने निश्चित भएको छैन् ।

क्यानको चुनावको लागि आइसीसीले मनिटरिङ कमिटि गठन गर्ने जसमा आइसीसीका ३ जना, क्यानको १ जना र राष्ट्रिय खेलकुद परिषदबाट १ जना सदस्य राखिने महासचिव प्याकुरेलले जानकारी दिए । त्यसैगरि क्यानको चुनावमा क्यानका सदस्यहरुले प्रत्यक्ष रुपमा उमेदवारी दिन र भोट हाल्न नपाउने व्यवस्था रहेको जानकारी प्याकुरेलले दिए । निलम्वन फूकूवा गरे हदै सम्मको लचकता अपनाउने महासचिव उनको भनाइ छ ।

काठमाण्डौँ । बैशाख–४, विश्व बैंकले सन् २०१८ मा नेपालको आर्थिक वृद्धिदर घटेर ४.६ प्रतिशत हुने प्रक्षेपण गरेको छ । नेपाल सरकारले बजेटमार्फत यस वर्ष ७ दशमलव २ प्रतिशत आर्थिक वृद्धि हासिल हुने प्रक्षेपण गर्दै गरेकोमा विश्व वैङ्कले ४.६ प्रतिशत बृद्धिदर प्रक्षेपण गर्दै आगामी दुई वर्ष नेपालको आर्थिक वृद्धिदर अझै घट्ने बताएको हो ।

गत आर्थिक वर्ष नेपालको आर्थिक वृद्धिदर साढे ७ प्रतिशत भएको मा तराईमा गएको बाढी,घट्दो रेमिटेन्स र कर्जाको उच्च व्याजदरले वृद्धिदरको कारणले आर्थिक वृद्धिमा कमी आउने विश्व वैङ्कको प्रक्षेपण रहेको छ । एशियाली विकास ब्यांक (एडीबी)ले यसअघि नै आर्थिक वृद्धिदर ४.९ प्रतिशत हुने थियो ।