पार्टी एकताबारे छलफल गर्न एमाले स्थायी कमिटी बैठक बस्दै
सहयात्रा टिभी
काठमाडौ । पुष २४ – नेकपा माओवादी केन्द्रसँग पार्टी एकता लगायतका विषयमा छलफल गर्न नेकपा एमालेको स्थायी कमिटी बैठक आज दिउँसो २ बजे बस्दै छ । बैठक पार्टी अध्यक्ष केपी शर्मा ओली निवास बालकोटमा बस्न बस्न लागेको हो ।
बैठकमा पार्टी एकताको मोडालिटीको विषयमा छलफल
र त्यसका लागि कार्यदल गठन गर्ने तयारीको लागि बैठक बस्न लागेको पाटीका सचिव योगेश भट्टराईले जानकारी दिनुभयो ।
पार्टी एकताको विषयमा आइतबार साँझ एमाले अध्यक्ष ओली र माओवादी अध्यक्ष प्रचण्डबीच छलफलसमेत भएको थियो । छलफलमा पार्टी एकताका लागि वैचारिक(राजनीतिक र सांगठनिक एकताका लागि छुट्टाछुट्टै कार्यदल गठन गर्ने सहमति भएको थियो ।
मंगलबार पार्टी एकता संयोजन समितिको बैठक बस्ने तयारी समेत छ । सोही बैठकबाट पार्टी एकता प्रक्रियालाई टुंगोमा पुर्याउनका लागि वैचारिक राजनीतिक काम र सांगठानिक काम गर्न एउटा टीम बनाएर जिम्मा दिने र केही दिनभित्र यो प्रक्रियालाई निश्कर्षमा पुर्याउने दुबै पार्टीका नेताहरुले बताएका छन् ।