राष्ट्रियसभा चुनावको मतदाता नामावली सार्वजनिक आज
सहयात्रा टिभी
काठमाडौं । माघ–७ निर्वाचन आयोगले राष्ट्रियसभा सदस्य निर्वाचनका मतदाताहरुको नामावली आज प्रकाशित गर्न लागेको आयोगले जनाएको छ । माघ २४ का लागि राष्ट्रियसभा सदस्य चुनावको मिति तय गरेको आयोगले प्रदेश सांसद्को शपथपछि मतदाता नामावली सार्वजनिक गर्न लागेको हो ।
आइतबार सातवटै प्रदेशका प्रदेश सांसदहरुले शपथ लिए सँगै नामावली प्रकाशित हुने निर्वाचन आयोगका प्रवक्ता नवराज ढकालले जानकारी दिनुभयायो ।
५५० जना प्रदेश सांसद् र ७५३ स्थानीय तहका प्रमुख र उपप्रमुखले राष्ट्रियसभा सांसद् निर्वाचित गर्नेछन् । राष्ट्रियसभा चुनावका लागि प्रदेशसभाका सांसद् र स्थानीय तहका प्रमुख र उपप्रमुख मतदाता हुने व्यवस्था छ ।