वीर अस्पतालमा सरसफाई अभियान सुरु
सहयात्रा टिभी
काठमाण्डौँ । बैशाख–२३, सरकारी वीर असपतालमा आजबाट सरसफाई अभियान सुरु गरेका छन । स्वाथ्य राज्यमन्त्री पदमा कुमारी अर्याल कलाकार सीताराम कट्टेल धुर्मुस र सरसफाइकर्मी खेम शर्माले अस्पतालको शौचालय सफा गर्दै अभियान थालेका हुन।
जताततै फोहोर र गन्हाउने अस्पतालका रुपमा चिनिएको अस्पतालमा करिब सयभन्दा शौचालय भए पनि प्रयोग गर्न सकिने स्थिति छैन । स्वास्थ्य राज्यमन्त्री पदमा अर्यालले सरकारी अस्पताललाई सरसफाइको नमुना बनाउने बताएकी छन ।
उनले आइतबार वीर असपतालको सरसफाई अभियानलाई उदघाटन गर्दै सफा नभए सम्म अभियानमा साथ दिने बताएकी छिन । सरकारी स्वास्थ्य संस्थाहरुमा सबैभन्दा बढी सरसफाइको कमीबारे गुनासो आउने गरेकाले अभियान थालिएको राज्यमन्त्री अर्यालले बताइन ।