अख्तियारको प्रमुख आयुक्तमा नवीन घिमिरे सर्वसम्मत
सहयात्रा टिभी
काठमाण्डौं । असोज–४, संसदीय सुनुवाइ समितिले अख्तियार दुरुपयोग अनुसन्धान आयोगका प्रमुख आयुक्तमा नवीनकुमार घिमिरेलाई सर्वसम्मतिले अनुमोदन गरेको छ । सिंह दरबारमा बसेको बैठकले अख्तियार दुरुपयोग अनुसन्धान आयोगको प्रमुख आयुक्तमा घिमिरेलाई सर्वसम्मत रुपमा स्वीकृत गर्ने निर्णय गरेको हो ।
गत मंगलबार बसेको समिति बैठकले गरेको निर्णय अनुसार घिमिरेलाई सुनुवाइका लागि बिहीबार दिउँसो १ बजेका लागि बोलाइएको थियो। घिमिरे बारे उजुरी दिन दशदिने सार्वजनिक सूचना आह्वान भए पनि एउटा पनि उजुरी परेको थिएन।
दिउसो १ बजेका लागि नै बैठक बेलाइए पनि ढिला गरि ३ बजे सुरु भएको बैठकले घिमिरेलाई स्वीकृत गरेको हो । उजुरी नपरे पनि सुनुवाई समितिमा घिमिरेले सांसदहरुका अन्य प्रश्नको जवाफ दिएपछि उनी सर्वसम्मत अनुमोदन भएका हुन् । लोकमान कार्कीले महाअभियोगको सामना गरेपछि घिमिरेले कार्यबाहक जिम्मेवारि सम्हाल्दै आएका थिए ।