आईसीसीका अध्यक्ष ग्रेग बार्कलेले आज प्रधानमन्त्रीलाई भेट गर्ने
सहयात्रा टिभी
काठमाडौं । चैत ७, नेपाल भ्रमणमा रहेका अन्तर्राष्ट्रिय क्रिकेट परिषद् (आईसीसी) का अध्यक्ष ग्रेग बार्कलेले आज प्रधानमन्त्री पुष्पकमल दाहल प्रचण्डलाई भेट्दैछन् ।
नेपाल क्रिकेट संघ (क्यान) का कोषाध्यक्ष पदम खड्काका अनुसार ग्रेग बार्कले र प्रचण्डबीच दिउँसो साढे दुई बजे भेट हुनेकार्यकम छ ।
त्यसअघि युवा तथा खेलकुद मन्त्री विराजभक्त श्रेष्ठसँग दिउँसो १ बजे भेट्ने कायर्कम्र छ । अर्थमन्त्री वर्षमान पुनसँग पनि भेट गर्नेछन् । तर अर्थमन्त्रीसँग समय भने पक्का भएको छैन ।
मंगलबार बार्कले टीयु क्रिकेट मैदान र मुलपानी क्रिकेट मैदान निरिक्षण गरेका थिए । दुवै मैदान बातावरणीय रुपमा राम्रो भएको बताउँदै सरकारले थप भौतिक संरचनामा लगानी गर्नुपर्ने बताएका थिए ।
उक्त विश्वकपको लागि नेपालको टीयु र मुलपानी मैदान निरिक्षण गर्न उनी नेपाल आएका हुन् । त्यसक्रममा सरकारका विभिन्न उच्चतहका ब्यक्तिसँग पनि भेटेर नेपाली क्रिकेट विकासमा सल्लाह र सुझाव लिएका छन् ।