भृकुटीमण्डपमा जारी नाडा अटो शोमा गाडी कर्जा प्योकजमा पनि आकर्षण
सहयात्रा टिभी
काठमाडौँ । भदौ २९, काठमाडौंको भृकुटीमण्डपमा मंगलबारदेखि जारी ‘नाडा अटो शो–२०२३’ मा नयाँ गाडीहरुमा मात्रै होइन, बैंक तथा वित्तीय संस्थाको लगानी प्योकजमा पनि आकर्षण देखिएको छ ।
गाडी खरिद गर्न चाहनेहरुलाई लक्षित गर्दै बैंक तथा वित्तीय संस्थाले आकर्षक अफर सहितको कर्जा योजना ल्याएका छन् ।
नेपाल राष्ट्र बैंकले विद्युतीय सवारीसाधनमाभन्दा इन्धनबाट चल्ने सवारीसाधनमा उपलब्ध गराउने कर्जामा कडाइ गरेको छ ।
सोहीअनुसार बैंकहरुले पनि विद्युतीय र इन्धनबाट चल्ने सवारी साधनका लागि फरक–फरक अफर ल्याएका छन् ।
बैंक तथा वित्तीय संस्थाको लगानीको हिसाबले अटोमोबाइल क्षेत्र सबैभन्दा पारदर्शी तथा कम जोखिमपूर्ण रहेको बैंकहरु नै बताउँछन् ।
तर, आर्थिक गतिविधि बढाउन योगदान दिए पनि उत्पादन, पूँजी निर्माण र आर्थिक वृद्धिमा सकारात्मक योगदान नदिएको भन्दै राष्ट्र बैंक अटोमोबाइलमा जाने कर्जामा अनुदार छ ।