सम्पदाका क्यानभासले सजियो कोटेश्वर क्षेत्र सडक किनार
सहयात्रा टिभी
काठमाडौँ । असार १६, काठमाडौं महानगरपालिकाले शहरलाई सुन्दर र हरभरा बनाउने उद्देश्यले सडक किनार सजावटलाई तीव्रता दिएको छ ।
अहिले महानगरले कोटेश्वर सडक खण्डमा भित्तामा विभिन्न कलाले रंगाउने र छेउछाउमा फूलका विरुवासहितका गमलाले सजाउने काम गरिरहेको छ ।
महानगरको गौरवको योजना ‘मेरो रहर, सुन्दर र हरित शहर’ कार्यक्रमअन्तर्गत पार्क तथा हरियाली प्रवर्द्धन आयोजनाले यो अभियान जारी राखेको छ ।
यस अभियानले शहरको सौन्दर्य बढाउनुका साथै शहरी वातावरणलाई स्वच्छ राख्न मद्दत पुग्ने विश्वास गरिएको छ । सडकका भित्ताहरूमा काठमाडौंका ऐतिहासिक सम्पदाका भित्रहरू कोरिएका छन् ।