लुम्बिनीका मुख्यमन्त्री कुलप्रसाद केसीले पाए विश्वासको मत
सहयात्रा टिभी
लुम्बिनी । भदौ ८, लुम्बिनीका मुख्यमन्त्री कुलप्रसाद केसीले विश्वासको मत प्राप्त गरेका छन् ।
सोमबारको प्रदेश सभा बैठकमा मुख्यमन्त्री केसीले विश्वासको मतका लागि प्रस्ताव पेस गरेपछि भएको मतदानमा उनले बहुमत प्राप्त गर्दै विश्वासको मत प्राप्त गरेका हुन् ।
मुख्यमन्त्री केसीको पक्षमा ४२ सांसदले मत दिएका थिए । उनको विपक्षमा कसैले पनि मत दिएनन् । मतदानमा जम्मा ४३ थिए । तर एक जना तटस्थ बसेका थिए ।
विश्वासको मत कार्यक्रमलाई प्रमुख प्रतिपक्षी दल एमालेले भने बहिष्कार गरेको थियो । एमाले नेतृत्वको सरकार ढलेपछि केसी मुख्यमन्त्रीमा नियुक्त भएका थिए ।