काठमाडौँको मेयरमा बालेन र उपमेयरमा सुनिता निर्वाचित
सहयात्रा टिभी
काठमाण्डौ । ज्येष्ठ १३ काठमाडौं महानगरपालिकाको मेयरमा स्वतन्त्र उम्मेदवार वालेन्द्र साह (बालेन) फराकिलो मतान्तरको साथ विजयी भएका छन् ।
निकटतम प्रतिस्पर्धी सिर्जना सिंहलाई २३ हजार ४२६ मतान्तरले पराजित गर्दै साह मेयरमा निर्वाचित भएका हुन् । साहले ६१ हजार ७६७ मत प्राप्त गरेका छन् ।
साहका निकटम प्रतिद्वन्द्वी नेपाली कांग्रेसकी उम्मेदवार सिर्जना सिंहले ३८ हजार ३४१ मत ल्याइन् । नेकपा एमालेका उम्मेदवार केशव स्थापितले ३८ हजार ११७ मत ल्याए ।
उपमेयरमा नेकपा एमालेकी उम्मेदवार सुनिता डंगोल विजयी भइन् । उनले ६८ हजार ६१२ मत ल्याउँदा निकटम प्रतिद्वन्द्वी नेकपा समाजवादीका रामेश्वर श्रेष्ठले २३ हजार ८०६ मत ल्याए ।