प्रचण्डले आज भारतीय प्रधानमन्त्री र भाजपा अध्यक्षलाई भेट्ने
सहयात्रा टिभी
काठमाडौँ । १ साउन, भारत भ्रमणमा रहेका माओवादी केन्द्रका अध्यक्ष पुष्पकलम दाहाल ‘प्रचण्ड’ले आज भारतीय प्रधानमन्त्री नरेन्द्र मोदीसँग भेटवार्ता गर्दैछन् ।
शुक्रबारदेखि भारत भ्रमणमा रहेका प्रचण्ड उच्चस्तरीय राजनीतिक भेटवार्तामा व्यस्त छन् ।
प्रचण्डले आज मोदीसँग भेटवार्ता गर्ने र भारतीय जनता पार्टी (भाजपा) को मुख्यालय पुग्ने कार्यक्रम उनी निकट स्रोतले जनाएको छ ।
पूर्वप्रधानमन्त्री प्रचण्ड भारतीय जनता पार्टी (भाजपा) कै अध्यक्ष जेपी नड्डाको निमन्त्रणामा भारत भ्रमणमा गएका हुन् ।
यसअघि शनिबार भारतीय विदेश सचिव एस जयशंकर, राष्ट्रिय सुरक्षा सल्लाहकार अजित डोभाल र भाजपाका विदेश विभाग प्रमुख विजय चौथाइवालेसँग भेटवार्ता गरेका थिए । विदेश सचिव एस जयशंकरले प्रचण्डसँगको भेट फलदायी भएको जानकारी ट्वीटरमार्फत् दिएका छन् ।
त्यसअघि शुक्रबार भारतीय विदेश सचिव विनयमोहन क्वात्रासँग भेटवार्ता गरेका थिए । भारत भ्रमण सकेर प्रचण्ड आजै स्वदेश फर्किने कार्यक्रम रहेको उनको सचिवालयले जनाएको छ।