नेकपा एमालेका महासेठ दम्पती दुवै धनुषाबाट विजयी
सहयात्रा टिभी
काठमाडौं । मंसिर १३, नेकपा एमालेका सचिव रघुवीर महासेठ धनुषा–४ बाट प्रतिनिधि सभा सदस्यमा विजयी हुनुभएको छ । यसअघि धनुषा–३ बाट उहाँकी श्रीमती जुलीकुमारी महतो (महासेठ) निर्वाचित हुनुभएको थियो ।
एमालेका रघुवीरले नेपाली कांग्रेसका सहमहामन्त्री महेन्द्र यादवलाई १ सय २४ मतले पराजित गर्नुभयो। महासेठले ३२ हजार २ सय ३६ मत ल्याउँदा यादवले ३२ हजार १ सय १२ मत प्राप्त गर्नुभयो ।
महासेठ २०७४ को चुनावमा समेत धनुषा–४ बाट विजयी हुनुभएको थियो । यो दोस्रो जित हो । जुलीकुमारीले ३३ हजार ३८८ मतसहित लोकतान्त्रिक समाजवादी पार्टीका अनिलकुमार झालाई हराउनुभएको थियो।
झाले २३ हजार ६८६ मत प्राप्त गर्नुभयो । नेकपा एमालेले मधेस प्रदेशमा ९ वटा क्षेत्रमा जितेको छ । महासेठ दम्पतीको जितसँगै इतिहास पनि दोहोरिएको छ । यसअघि यो इतिहास हेमबहादुर मल्लले बनाउनुभएको थियो ।