कांग्रेस नेता जगन्नाथ पौडेलले चितवन२ मा रविलाई समर्थन गर्ने
सहयात्रा टिभी
काठमाडौँ । चैत २०, पुराना कांग्रेस नेता जगन्नाथ पौडेलले चितवन २ मा रास्वपाका उम्मेदवार रवि लामिछानेलाई समर्थन गर्ने घोषणा गरेका छन् ।
रवि चितवन क्षेत्र नम्बर २ मा हुने उपनिर्वाचनको उम्मेदवार हुन् । पौडेलले पत्रकारहरुलाई प्रतिक्रिया दिँदै आफ्नो समर्थन रास्वपालाई रहने जानकारी दिएका छन् ।
उनले भने, ‘छोटो समयमा देशले रुपान्तरण खोजेको छ । त्यो रुपान्तरणको निमित्त उपयुक्त टिमको आवश्यकता छ र त्यो टिममा ऊर्जावान व्यक्तिहरुको आवश्यकता छ ।
त्यो समूह भनेको स्वतन्त्र पार्टीहरुको समूह हो । त्यो भएको हुनाले उहाँहरुलाई सहयोग गर्दाखेरी देशले निकास पाउँछ भन्ने लाग्छ ।’
पार्टी नै प्रवेश गर्ने कि समर्थनमात्र भन्ने प्रश्नमा पौडेलले भने, ‘अहिले समर्थनमात्र ।’
पौडेल रवि लामिछानेसँगै निर्वाचन अधिकृतको कार्यालयमा पुगेका छन् । स्थानीय तह निर्वाचन र प्रतिनिधि सभा निर्वाचनमा पौडेल पार्टीको आधिकारिक निर्णयविरुद्ध चुनाव लडेका थिए ।
पौडेलले आफू स्वतन्त्रताप्रेमी भएको बताए । ‘म स्वतन्त्रताप्रेमी रहेको र लामो समय आन्दोलनमा जिन्दगी वितेको, बताउदै अब परिवर्तनको आवश्यकता रहेको जानकारी दिएका छन् ।