अडिओ काण्डबारे निर्णय लिने रास्वपाको बैठक सारियो
सहयात्रा टिभी
काठमाडौँ । चैत २९, राष्ट्रिय स्वतन्त्र पार्टी (रास्वपा) को केन्द्रीय समितिको बैठक सरेको छ । सांसद ढाकाकुमार श्रेष्ठसँग जोडिएको अडिओबारे निर्णय लिन बिहान ९ बजेका लागि बोलाएको बैठक दिउँसो २ बजेलाई सारिएको छ ।
केन्द्रीय अनुशासन तथा आचरण समितिले सांसद ढाकाकुमार श्रेष्ठले घुस डिल गरेको अडिओसम्बन्धी प्रतिवेदन हिजो सभापति रवि लामिछानेलाई बुझाएकाले निर्णय लिन केन्द्रीय समितिको बैठक बस्न लागेको हो ।
समितिसँगको बयानमा सांसद श्रेष्ठले अडिओमा भएको आवाज आफ्नो नभएको बताएका छन् । उनले दुर्गा प्रसाईँलाई नचिनेको र फोन संवादसमेत नगरेको दाबी छन् ।