निलम्बित न्यायाधीश गिरीले वैवाहिक बलात्कारको मुद्दामा सफाइ पाए
सहयात्रा टिभी
काठमाडौं । बैशाख १, वैवाहिक बलात्कारको मुद्दामा सफाइ पाएपछि निलम्बित न्यायाधीश भुवन गिरी कारागार मुक्त भएका छन् ।
सोमबार बिहान १० बजेतिर गिरी डिल्लीबजार कारागारबाट छुटेका हुन् । उच्च अदालत पाटनले आइतबार गिरीलाई वैवाहिक बलात्कारको कसुरबाट सफाइ दिएको थियो ।
उच्च अदालत पाटनका न्यायाधीशद्वय लालबहादुर कुँवर र डिल्लीरत्न श्रेष्ठको इजलासले गिरीलाई सफाइ दिएपछि उनी छुटेका हुन् ।
यसअघि जिल्ला अदालत काठमाडौंका न्यायाधीश दुर्गाप्रसाद भुसालको इजलासले गत जेठमा वैवाहिक बलात्कार मुद्दामा गिरीलाई दोषी ठहर गरेको थियो । वर्ष कैद र तीन लाख रुपैयाँ जरिवानाको फैसला सुनाइएको थियो ।
गिरीलाई उनकै श्रीमतीले वैवाहिक बलात्कारको आरोप लगाउँदै मुद्दा दायर गरिएकी थिइन् । त्यसपछि न्याय परिषद्ले उनलाई निलम्बन समेत गरेको थियो ।