वाम कार्यदलको बैठक सुरु, मुख्यमन्त्री टुंगो लगाउने
सहयात्रा टिभी
काठमाण्डौँ । माघ -१४, एमाले संसदीय दलको कार्यलय सिंहदरबारमा प्रादेशिक सरकारको भागबण्डाबारे निर्णय गर्न वाम गठबन्धनको कार्यदल बैठक सुरु भएको छ। आजको बैठकले प्रदेश नंं २ बाहेकको प्रदेशमा मुख्यमन्त्रीको छनोट गर्ने तयारी गरेको छ। प्रदेश नम्बर ५ मा एमाले सचिव शंकर पोखरेललाई मुख्यमन्त्री बनाउने समझदारी यसअघि नै भइसकेको अवस्थामा प्रदेश नम्बर १ र ३ नम्बरमा बहुमत प्राप्त गरेको एमालेले माओवादी केन्द्रसँग मिलेर सरकार गठन गर्नेछ।
प्रदेश ४ को नेतृत्व एमालेलाई तथा प्रदेश ६ र ७ को प्रदेश सरकारको नेतृत्व माओवादी केन्द्रलाई दिने समझदारी शीर्ष नेताबीच भएको छ। बैठकमा एमालेका सुवास नेम्वाङ, शंकर पोखरेल, सुरेन्द्र पाण्डे तथा माओवादीका रामबहादुर थापा बादल र मात्रिका यादव सहभागि छन् ।