प्रधानमन्त्री ओली आज दाङ जानु हुँदै
सहयात्रा टिभी
काठमाडौं । माघ १२, प्रधानमन्त्री केपी शर्मा ओली आज दाङ जाँदै हुनुहुन्छ । देउखुरीस्थित राप्ती नदीमा ६ महिनाअघि निर्माण सम्पन्न भएको नेपालको दोस्रो लामो पुल उद्घाटन गर्न प्रधानमन्त्री ओली दाङ जान लाग्नु भएको हो ।
राप्ती गाउँपालिकाको सिसहनिया र गढवा गाउँपालिकाको महदेवा जोड्ने राप्ती नदीको पुलको शिलान्यास तत्कालीन प्रधानमन्त्री पुष्पकमल दाहाल ‘प्रचण्ड’ले २०७३ मंसिर २२ गते शिलान्यास गर्नु भएको थियो ।
पुल उदघाटनपछि राप्ती गाउँपालिकाको लालमटियामा आयोजना गरिएको जनसभालाई पनि सम्बोधन गर्ने कार्यक्रम छ । प्रधानमन्त्रीको आगमनलाई लक्षित गरी देउखुरीको सुरक्षा व्यवस्था कडा पारिएको छ ।