नेपाली कांग्रेस पदाधिकारी बैठक आज बस्दै
सहयात्रा टिभी
काठमाडौं चैत्र २९, नेपाली कांग्रेसका सभापति शेरबहादुर देउवाले पार्टी पदाधिकारी बैठक बोलाएका छन् ।
पार्टीका मुख्यसचिव कृष्णप्रसाद पौडेलका अनुसार आज आईतबार दिउँसो २ बजे पार्टी केन्द्रीय कार्यालय सानेपामा पदाधिकारी बैठक बसिनेछ।
आजको बैठकमा १४ औं महाधिवेशन लगायत विषयमा छलफल गर्न बताएका छन् भने कांग्रेसले १४ औं महाधिवेशन भदौ ७ देखि गर्ने कार्यतालिका बनाएको छ।
कांग्रेसले आफ्नो नेतृत्वमा सरकार बनाउने गृहकार्य पनि थालेको छ। गत चैत २० को केन्द्रीय समिति बैठकले प्रधानमन्त्रीबाट केपी शर्मा ओलीको राजीनामा माग गर्ने र सरकार बनाउन अग्रसरता देखाउने निर्णय गरेको थियो।