प्रधानमन्त्री देउवा र प्रचण्डबीच भेटवार्ता
सहयात्रा टिभी
काठमाडौं । माघ ३, प्रधानमन्त्री शेरबहादुर देउवा र नेकपा माओवादी केन्द्रका अध्यक्ष पुष्पकमल दाहाल प्रचण्डबीच भेटवार्ता भएको छ ।
सोमबार प्रधानमन्त्री निवास बालुवाटारमा भएको भेटवार्तामा स्थानीय तहको निर्वाचन केन्द्रित छलफल भएको प्रधानमन्त्रीको सचिवालय स्रोतले खरीबोटलाई बताएको छ ।
बैठकपछि थप छलफलका लागि राजनीतिक समन्वय समितिको बैठक बोलाइएको बताइएको छ । निर्वाचन आयोगले स्थानीय तहको निर्वाचन गर्न सिफारिस गरे पनि सरकारले मिति घोषणा गरेको छैन ।
सरकारले पहिला संघीय निर्वाचन गर्न चाहेको तर प्रमुख प्रतिपक्षी दल नेकपा एमालेलगायतले भने समयमै स्थानीय तहको निर्वाचन हुनुपर्ने धारणा राख्दै आएका छन् । निर्वाचन आयोगले अघिल्लो साता स्थानीय निर्वाचनको विषयमा सर्बदलीय छलफल गरेर आफ्नो धारणा र तयारी स्पष्ट गरेको थियो ।