नयाँ मन्त्रीहरूको सपथ आज
सहयात्रा टिभी
काठमाडौँ । असार १३, पुनर्गठित मन्त्रिपरिषदका नयाँ मन्त्रीहरुको सपथ आज हुँदैछ ।
सत्ता साझेदार नेकपा एकीकृत समाजवादीले मन्त्री हेरफेरको निर्णय गर्दै पठाएका नयाँ मन्त्रीलाई प्रधानमन्त्री शेरबहादुर देउवाको सिफारिसमा आइतबार साँझ राष्ट्रपति विद्यादेवी भण्डारीले नियुक्त गरेकी हुन् ।
पुनर्गठित मन्त्रिपरिषदको सहरी विकास मन्त्रीमा मेटमणि चौधरी, पर्यटन मन्त्रीमा जीवनराम श्रेष्ठ, स्वास्थ्य तथा जनसंख्या मन्त्रीमा भवानीप्रसाद खापुङ, श्रममन्त्रीमा शेरबहादुर कुँवर र स्वास्थ्य राज्यमन्त्रीमा हीराचन्द्र केसीलाई नियुक्त गरिएको छ ।
नवनियुक्त मन्त्रीहरूको सपथ आज बिहान ११ बजे राष्ट्रपति कार्यालय शितल निवासमा हुनेछ।
नेकपा एकीकृत समाजवादीले गत जेठ २२ मै सरकारमा रहेका मन्त्री फिर्ता बोलाएर नयाँ मन्त्री पठाउने निर्णय गरेको थियो। बजेट पास भएपछि मात्रै मन्त्रिपरिषद पुनर्गठन गर्ने सहमति सत्ता गठबन्धनभित्र भएको थियो।
एकीकृत समाजवादीका सांसदसमेत रहेका मन्त्रीहरू विरोध खतिवडा, रामकुमारी झाक्री, प्रेम आले र किसान श्रेष्ठले आइतबार नै पार्टी अध्यक्ष माधवकुमार नेपाललाई राजीनामा बुझाएका थिए।