प्रधानमन्त्रीसहित शीर्ष नेताहरुको टोली निजगढमा
सहयात्रा टिभी
काठमाडौँ । असार १८, प्रधानमन्त्री शेरबहादुर देउवासहितको टोली निमार्णाधीन निजगढ अन्तर्राष्ट्रिय विमानस्थल निरीक्षणका लागि बारा पुगेको छ ।
निजगढ विमानस्थलमा भइरहेको प्रगतिसहित जानकारी लिने उद्देश्यले गठबन्धनका शीर्ष नेताहरु बारा पुगेका हुन् ।
उनीहरुलाई गठबन्धनका जिल्ला नेताहरु तथा पालिका प्रमुख उपप्रमुखहरुले स्वागत गरेका छन् ।
प्रधानमन्त्रीसहित नेकपा (माओवादी केन्द्र)का अध्यक्ष पुष्पकमल दाहाल प्रचण्ड, नेकपा (एकीकृत समाजवादी)का अध्यक्ष माधवकुमार नेपाल पनि निरीक्षणका लागि बारा पुगेका छन् । उनीहरु आजै काठमाडौं फर्कने कार्यतालिका रहेको छ ।
सर्वोच्च अदालतले विमानस्थलको काम अघि नबढाउन आदेश दिएको छ । अहिलेसम्मका सबै प्रक्रिया खारेज गरेको सर्वोच्चले विज्ञको टोली बनाएर अरु विकल्पमाथि अध्ययन गर्न भनेको छ ।