माओवादी केन्द्रको केन्द्रीय कमिटी बैठक स्थगित
सहयात्रा टिभी
काठमाडौँ । असार २१, नेकपा माओवादी केन्द्रको दुई दिनदेखि जारी केन्द्रीय कमिटी बैठक अचानक स्थगित भएको छ । आजको बैठक भोलिसम्मलाई सरेको एक नेताले जानकारी दिए ।
आज ११ बजे बस्ने भनिएको बैठकमा अध्यक्ष पुष्पकमल दाहाल प्रचण्डले प्रतिवेदनमा स्पष्टीकरण दिने कार्यक्रम थियो ।
पदाधिकारी चयन लगायतबारे आन्तरिक छलफल गर्न आजको बैठक स्थगित गरिएको बताइएको छ । अर्को बैठक भोलि बुधवार दिउँसो एक बजे बस्ने तय भएको जानकारी दिइएको छ ।
यसअघि सोमबारको बैठकमा केन्द्रीय समिति सदस्यहरुले पदाधिकारीका साथै पोलिटब्युरो र स्थायी कमिटी गठनको माग गरेका थिए ।
पदाधिकारी चयनका विषयमा आज नेताहरू अनौपचारिक छलफलमा जुट्ने भएकाले बैठक भोलिका लागि सारिएको बताइएको छ ।