आफ्नो अडानले एसपीपी रोकिएको अध्यक्ष नेपालको दाबी
सहयात्रा टिभी
काठमाडौँ । असार २७, नेकपा एकीकृत समाजवादीका अध्यक्ष माधवकुमार नेपालले आफूहरुका कारण अमेरिकाको स्टेट पार्टनरसिप प्रोग्राम (एसपीपी) रोकिएको दाबी गरेका छन् ।
एसपीपी आफ्नो नेतृत्वको तत्कालीन सरकार नै रोकेको एमाले अध्यक्ष केपी शर्मा ओलीले दाबी गरिरहँदा यो होडबाजीमा नेकपा एसका अध्यक्ष नेपाल पनि उभिनु भएको हो ।
सोमबार बिहान प्रेस संगठन कैलालीले धनगढीमा आयोजना गरेको पत्रकार सम्मेलनमा अध्यक्ष नेपालले आफ्नो पार्टीको अडानकै कारण एमसीसी सम्झौताको व्याख्यात्मक घोषणासहित पास भएको पनि बताएका छन् । उनले एसपीपीमा पनि नेकपा एसले अडान लिएको दाबी गरेका हुन् ।
पूर्व एमालेले एमसीसीलाई आँखा चिम्लेर पारित गर्न खोजेपछि तत्कालीन अवस्थामा आफ्नो पार्टीले अडान लिएको र त्यसैको कारण व्याख्यात्मक घोषणासहित संसदबाट पारित भएको नेपालले जिकिर गरे ।
उनले व्याख्यात्मक घोषणासहित पारित भएको एमसीसी परियोजना एकतर्फी रुपमा कार्यान्वयन गर्न खोजे भंग गर्न सकिने पनि दाबी गरे ।