बागमती प्रदेश सरकारबाट नेकपा एमाले बाहिरियो
सहयात्रा टिभी
काठमाडौं । चैत १०, प्रदेश सभामा बोल्दै नेकपा एमाले बागमती प्रदेश सरकारबाट बाहिरिएको जानकारी दिएको छ ।
मुख्यमन्त्री शालिकराम जमकट्टेललाई सदनमै राजीनामा बुझाएर नेकपा एमाले संसदीय दलका नेता एवं आर्थिक मामिला तथा योजना मन्त्री जगन्नाथ थपलियाले सरकारबाट बाहिरिएको जनाएका छन् ।
नेता थपलियाले अब नेकपा एमाले प्रदेश सरकारको सशक्त प्रतिपक्षको भुमिकामा रहने बताए । उनले मुख्यमन्त्रीलाई विश्वासको मत नदिने समेत बताएका छन् ।
प्रदेश सरकारमा एमालेबाट जगन्नाथ थपलिया आर्थिक मामिला तथा योजना मन्त्री, एकालाल श्रेष्ठ श्रम रोजगार तथा यातायात, रामेश्वर श्रेष्ठ स्वास्थ्य र केशवप्रसाद पोखरेल कृषि तथा पशुपन्छी विकास मन्त्री थिए ।