वसन्तपुरमा नाटक ‘भुमरी’
सहयात्रा टिभी
काठमाडौंँ । बैशख १३, लागुपदार्थ र मादक पदार्थको कुलतबाट कसरी मुक्ति पाउने भन्ने सन्देशमुलक सडक नाटक ‘भुमरी’ प्रदर्शन गरिएको छ ।
मंगलबार वसन्तपुर क्षेत्रमा प्रदर्शन गरिएको नाटकको लेखक तथा निर्देशक घनश्याम गौतम हुन् । निर्देशक गौतमसहित दिवाकर घिमिरे, सरिता राजोपाध्याय, युगज्योति क्रियाशिल, आईपी आचार्य, टिकाराम आचार्य, सुरज खड्का, द्रोणप्रसाद आचार्य अर्जुन कट्वाल लगायतको नाटकमा अभिनय रहेको थियो ।
उद्दार नेपालको आयोजना तथा कारितास नेपालको सहकार्य रहेको नाटकले बिषेश गरेर विद्यार्थी कुलतमा कसरी फस्छन् र कुलतमा फसेपछि कसरी उद्धार गर्ने भन्ने बिषय फोकस गरेको थियो । कुलतबाट बालबालिका बचाउन घर र समाजको भूमिका कस्तो हुनुपर्छ भनेर समेत नाटकले देखाएको छ ।
दिवाकर घिमिरे मुख्य सहायक निर्देशक, टिकाराम आचार्यको संगीत संयोजन र आईपी आचार्यको सामाग्री ब्यवस्थापन रहेको भेषभुषा तथा श्रृंगारमा युगज्योति क्रियाशील र सरिता राजोपाध्यायले हेरेका थिए । नाटक ५ सय बढी दर्शकले हेरेको आयोजकले जनाएको छ । उपस्थित दर्शकमध्ये धेरैले नाटक देशभरि नै प्रदर्शन गर्दा राम्रो हुने सुझाएका थिए ।