Category: ब्रेकिङ न्युज

बैशाख ९, २०७४ । परिमार्जन सहित संविधान संशोधन प्रस्ताव पारित गर्न सत्तापक्ष तयार भएपछि सरकार र मधेशी मोर्चाबीच सहमतिको सम्भावना बढेको छ । नयाँ संशोधन प्रस्तावमा असहमती जनाउदै स्थानीय निर्वाचन बहिष्कारको घोषणा गरेको मोर्चाले परिमार्जन सहित संशोधन प्रस्ताव पारित गर्न सरकार तयार भए निर्वाचनमा सहभागी हुने जनाएको छ । संशोधन प्रस्तावमा सहमती जुटाउन २–२ जना सदस्य रहने गरी चार सदस्यीय कार्यदल गठन गरिएको छ । कार्यदलमा कांग्रेसका तर्फबाट कृष्णप्रसाद सिटौला र राप्रपाबाट बुद्धिमान तामाङ तथा मोर्चाका तर्फबाट लक्ष्मणलाल कर्ण र राजेन्द्र श्रेष्ठ सदस्य हुनुहुन्छ । कार्यदलले आज बिहान छलफल गरी तयार पारेको प्रस्तावमा दिउ“सो २ बजे बस्ने संयुक्त बैठकमा छलफल हुने नेताहरुले बताएका छन् । मोर्चाका नेताहरुले सिमांकन हेरफेरका लागि धारा २ सय ७४ को संशोधन, संघीय अयोगको क्षेत्राधिकार, स्थानीय तहको संख्या वृद्धि र स्थानीय तहलाई प्रदेश मातहत राख्ने गरि राजनीतिक सहमती जुटे स्थानीय निर्वाचनमा सहभागि हुने बताएका छन । निर्वाचन अगाडीनै संविधानमा उल्लेख भए अनुसार स्वयत्त, विशेष र संरक्षित क्षेत्र टुङ्गो लगाउनुपर्ने मोर्चाको माग छ ।

बैशाख ७, २०७४ । मन्त्रिपरिषदको बैठकले नेपाल वायु सेवा निगमको दुई वाइडबडी जहाज खरिदका लागि जमानत बस्ने निर्णय गरेको छ । प्रधानमन्त्री निवास बालुवाटारमा बिहीबार बिहान बसेको बैठकले एयरबस खरिदमा जमानत बस्ने निर्णय गरेको उर्जामन्त्री जनार्दशन शर्माले जानकारी दिनुभयो । विमान खरिदका लागि नेपाल एयरलाइन्स र अमेरिकन लिजिङ कम्पनी (एएआर) कर्पोरेसनबीच खरिद सम्झौता भइसकेको छ । यस्तै, बैठकले प्रधानसेनापति राजेन्द्र क्षेत्रीको अमेरिका भ्रमण पनि अनुमोदन गरेको छ । बैठकले सिन्धुलीको दुम्जामा विपी कोइराला तथा रामेछापमा पुष्पलाल श्रेष्ठको नामबाट पार्क निर्माणका लागि ५० र ५० लाख रुपैया“ दिने निर्णय गरेको छ । बैठकले युरोपियन युनियनलाई जग्गा खरिदको अनुमति दिएको छ । नेपाली सेनाका प्रमुख सेनानी गौरव केसीलाई महासेनानीमा बढुवा गर्ने निर्णय बैठकले गरेको छ ।।।

संयुक्त लोकतान्त्रिक मधेसी मोर्चामा आवद्ध पाँच दलबीच आज एकता घोषणा हुने भएको छ । लामो गृहकार्य पछि आज तराई मधेस लोकतान्त्रिक पार्टी, सद्भावना पार्टी, राष्टिय मधेस समाजवादी पार्टी, तराई मधेस सद्भावना पार्टी र फोरम गणतान्त्रिकबीच एकता घोषणा हुन लागेको नेता राजकिशोय यादवले जानकारी दिनुभयो । उहाँले कालिकास्थानस्थित एक पार्टी प्यालेसमा दिउ“सो १ बजे एकता घोषणा कार्यक्रम रहेको जानकारी दिनुभयो । उपेन्द्र यादव नेतृत्वको संघीय समाजवादी फोरम र अनिल झा नेतृत्वको नेपाल सद्भावना पार्टी भने बाहिरै रहेका छन । नेता यादवले यादव र झा पनि चा“डै एकीकरण प्रक्रियामा सहभागी हुने दावी गर्नुभयो । एकीकृत पार्टीबाट मधेश भन्ने शब्द हटाएर नेपाली जनता पार्टी राख्ने लगभग सहमति भैसकेको छ ।

बैशाख ६, २०७४ । सत्तारुढ र प्रतिपक्षीसहित प्रमुख पा“च दल बैशाख ३१ गते एकै चरणमा स्थानीय तहको निर्वाचन गर्न सहमत भएका छन । प्रधानमन्त्री निवास बालुवाटारमा बुधवार बिहान भएको छलफलमा निर्वाचन कार्यातालिका प्रभावित नगरी तोकिएको मितिमा मुलुकभर एकै चरणमा निर्वाचन गर्ने निर्णय भएको बैठकमा सहभागी नेताहरुले बताउनु भएको छ । यस्तै, बैठकले मधेशी मोर्चालाइ सहमति ल्याउन अन्तिम समयसम्म पनि प्रयास गर्ने निर्णय गरेको छ । यसअघि सत्तारुढ दलकै केही नेताहरुले दुइ चरणमा निर्वाचन गर्न सकिने बताउ“दै आउनु भएको थियो । बैठकमा नेपाली कांग्रेस, नेकपा एमाले, नेकपा माओवादी केन्द्र, राप्रपा तथा फोरम लोकतान्त्रिकका शीर्ष नेताहरु सहभागी हुनुहुन्थ्यो ।।।

बैशाख ६, २०७४ । भारतको राजकीय भ्रमणमा रहनु भएकी राष्ट्रपति विद्यादेवी भण्डारी आज गुजरात र उडिसा अवलोकनमा जाँदै हुनुहुन्छ । राष्ट्रपतिले गुजारातको द्धारकाधिस र उडिसाको जगन्नाथ पुरी लगायतका मन्दिरमा आज पुजाअर्चना गर्नुहुने छ । भण्डारीले गुजरातको महिला सशक्तिकरण परियोजनाको समेत अवलोकन गर्नुहुनेछ । भ्रमणका क्रममा राष्ट्रपति भण्डारीले गुजरातका मुख्यमन्त्री विजय रुपानी र उडिसाका मुख्यमन्त्री रविन पट्नायकसंग शिष्टाचार भेट गर्नुहुनेछ । राष्ट्रपति भण्डारी मंगलवार भारतीय समकक्षी प्रणव मुखर्जीले आयोजना गर्नुभएको रात्रीभोजमा सहभागी हुनुहुभएको थियो भने उच्चस्तरीय भेटवार्ता समेत गर्नुभएको थियो । उहाँसंग प्रधानमन्त्री नरेन्द्र मोदी सहित गृहमन्त्री राजनाथ सिंह, विदेशमन्त्री सुषमा स्वराज, अर्थमन्त्री अरुण जेट्ली लगातले छुट्टाछुट्टै भेटवार्ता गर्नुभएको थियो । राष्ट्रपतिको औपचारिक भ्रमण सकिएपछि भ्रमण टोलीमा रहेका परराष्ट्रमन्त्री प्रकाशशरण महत र शिक्षामन्त्री धनिराम पौडेल भने आज स्वदेश फर्किनु भएको छ ।

भारतको राजकिय भ्रमणमा रहेकी  राष्ट्रपति विद्यादेवी भण्डारीले भारतीय राष्ट्रपति प्रणव मुखर्जी र प्रधानमन्त्री नरेन्द्र मोदीसंग मंगलबार साँझ भेटवार्ता गरेकी छिन् । दुवै भेटवार्ता आपसी हित, दुईपक्षिय सम्बन्ध सुदृढीकरण तथा अन्य विविध विषयमा केन्द्रित भएको अधिकारीहरुले जानकारी गराएका छन् । भेटमा भण्डारीले दुई देशको घनिष्ठ सम्बन्धलाई अझ जनताको तहमा पुर्‍याउन आवश्यक भएकोमा जोड दिएकी थिइन् । साथै भण्डारीले संविधानको कार्यान्वयनमा लागि नेपाल सरकारले गरिरहेका प्रयासहरुको बारेमा समेत भारतिय समकक्षी र प्रधानमन्त्रीलाई जानकारी गराएकी थिइन् । राष्ट्रपति भण्डारीले प्रधानमन्त्री माेदीलाई विशेष गरेर नेपाल सरकार संविधान कार्यान्वयनमा लागि रहेको उल्लेख गर्दै भारत लगायत अन्तर्राष्ट्रिय समुदायको सद्भावको आवश्यकता रहेको बताएकी थिइन् । राष्ट्रपति भण्डारी र प्रधानमन्त्री मोदी बीच मंगलबार साढे चार बजेदेखि पाँच बजेसम्म भेटवार्ता भएको थियो । परराष्ट्र मन्त्री प्रकाशसरण महतका अनुसार मोदीले भारत सधै नेपाल र नेपाली जनताको साथमा रहेको उल्लेख गर्दै नेपालको सबै प्रयास र विकास प्रकृयामा भारतको साथ रहने बताएका थिए । मोदीले यस भेटावार्तामा नेपालमा हुन लागि रहेको स्थानीय तहको निर्वाचन र मधेसमा भइरहेको असन्तुष्टीका बारेमा कुनै कुरा उप्काएनन् । बरु दुई देशबीचको र जनता–जनताबीचको सम्बन्धलाई सुदृढ बनाउन तत्पर रहेको उल्लेख गरेका थिए ।  यस्तै भारतिय राष्टपतिले नेपालको समृद्धी, विकास र शान्तिमा आफूहरुको संधै सहयोगी रहने जवाफ दिएका थिए । ‘समाजका सबै तह र तप्काका मागलाई सम्बोधन गरेर निर्वाचन गराउन नेपाल सरकारले गरिरहेको पहलको म सराहना गर्दछु,’ भेटवार्तामा सहभागी एक उच्च अधिकारीले मुखर्जीलाई उद्धृत गर्दै भने । मुखर्जीले आफू संधै नेपालको स्थीरता, शान्ति र विकासको पक्षमा रहेको बताएका थिए । भेटपछि भण्डारी समकक्षी मुखर्जीले आयोजना गरेको रात्रीभोजमा सहभागी भएकी थिइन् ।  कान्तिपुर दैनिकबाट