Category: राजनीति

काठमाण्डौँ । बैशाख–१९, नेकपा माओवादी केन्द्र सचिवलयको बैठक सम्पन्न भएको छ । पेरिसडाँडास्थित पार्टी कार्यालयमा बिहान ११ बजे बसेको बैठमा अध्यक्ष पुष्पकमल दाहाल प्रचण्डले एमालेसंगको पार्टी एकतामा भएका प्रगतिको विषयमा छलफल गरेका थिए ।

उनले पार्टी केन्द्रीय कार्यालयबाट भएका काम र एकता प्रक्रियाको प्रगतिबारे रिपोर्टिङ गरेका छन । बैठकपछि पार्टी प्रवक्ता पम्फा भुसालले पत्रकारसँग कुरा गर्दै प्रधानमन्त्री केपी शर्मा वली र माओवादी केन्द्रका अध्यक्षबीच पार्टी एकता प्रक्रियाबारे छलफल भइरहेको बताएकी छिन । राजनीतिक हिसाबले एकता प्रक्रिया टुंगिए पनि विधान र संगठनबारे केही छलफल बाँकी रहेको भुसालले बताइन्।

काठमाण्डौं । बैशाख–१९, संघीय समाजवादी फोरम नेपालको केन्द्रीय समितिको बैठक आजबाट सुरु भएको छ ।

फोरम नेपालले पदाधिकारी र राजनीतिक समितिको बैठक सकाएर केन्द्रीय समितिको बैठक बस्न लागेको हो ।

राजनीतिक समितिमा उठेको विषयलाई प्रतिवेदनमा समावेश गरि केन्द्रिय समितिको बैठकमा पेस हुनेछ । बैठकमा छलफल गरि त्यसलाई पास गराउनेछ । फोरम नेपालले सरकारमा सहभागी हुने विषयमा निर्णय गरिसकेको तर हालसम्म सरकारमा सहभागी नगराइएको विषयमा पनि आजको बैठकमा छलफल हुनेछ ।

काठमाण्डौँ । बैशाख–१९,नेकपा माओवादी पार्टीको केन्द्रिय सचिवलयको बैठक सुरु भएको छ । पेरिसडाँडास्थित पार्टी कार्यालयमा बसेको बैठकमा अध्यक्ष पुष्पकमल दाहाल प्रचण्डले एमालेसंगको पार्टी एकता भएको प्रगतिको विषयमा छलफल गर्ने छन । उनले बैठकमा एमालेसंगको पार्टी एकता भएका प्रगतिको विषयमा छलफल गर्ने बताएका छन । नौ गते बस्ने भनिएको पार्टी एकताको बैठक सरेपछि एकताको लागि मिति तोक्न सकेको थिएन । आज बसेको बैठकले एकताको पछिल्लो आधारमा तय गर्ने आश गरेको छ ।

झापा । बैशाख–१९, प्रधानमन्त्री केपी शर्मा वलीले बुधबार आयोजित कार्यक्रममा देशभर खानेपानीको अभाव हुन नदिने बताएका छन । कार्यक्रममा सम्वोधन गर्दै प्रधानमन्त्री ओलीले सरकारले दमकमा मात्र नभएर देशैभर जनतालाई खानेपानीको उपलब्ध गराउने बताएका  हुन ।

उनले १ नम्बर प्रदेशको राजधानी जहाँ भए पनि दमकको विकास गर्ने बताएका छन । ओलीले बुधबार नै दमक नगरपालिका परिसरमा धिमाल जातिको प्रतिमा अनावरण गरे ।

कार्यक्रममा ओलीले दमक–रवि बहुवर्षीय सडक योजनालाई अगाडि बढाउने भन्दै दुई लेनको सडकले मेची राजमार्गसम्म जोड्ने बताएका छन ।

बैशाख–१९ भारतीय प्रधानमन्त्री मोदीलाई जनकपुर भ्रमण आउदा जनकपुरधामको साँचो बुझाउने  तयारी भएको छ । ऐतिहासिक शहर भएपनि विकास निर्माणमा पछि परेकोले जनकपुरको विकासलाई कसरी अघि बडाउने भन्ने जिम्मेवारी सहित जनकपुरको साँचो मोदीलाई दिने मेयर लालकिशोर शाहले बताए ।

जनकपुरको विकासमा भारतको सहयोग कसरी लिन सकिन्छ त्यस विषयमा पनि छलफल गरिएको शाहले बताएका छन । पहिलो पटक भारतीय प्रधानमन्त्री जनकपुरको भ्रमण गर्न आउन लागेको हुदां त्यसलाई सफल बनाउन स्थानीय नागरिक समाजलाई समेत आग्रह गरेका छन ।

अगामी ११ मे विहान करिव ९ वजे भारतीय प्रधानमन्त्री मोदी जनकपुर आउने गरि प्रदेश सरकारले तयारी थालेको छ । मोदीको जनकपुर भ्रमणको वेला तीन वटा हेलिकोप्टरसँगै आउने प्रदेश सरकारको जानकारी दिईएको छ । जानकी मन्दिरमा पुजापाठसँगै जानकी मन्दिरले समेत मोदीलाई विशेष स्वागत गर्ने कार्यक्रम रहेको छ ।

जानकी मन्दिरका छोटा महन्थ रोशन दासले मोदी भ्रमणको दिन मन्दिरमा विशेष पुजापाठको व्यवस्था गरिने बताए ।  जानकी मन्दिरले पनि आफ्ना तर्फबाट मायाको चिनो प्रदान गर्ने उनले बताएका छन ।