Category: मुख्य समाचार

बैशाख १०, २०७४ । फ्रान्समा राष्ट्रपति चयनका लागि आज मतदान हुँदैछ । निकै कडा सुरक्षाकाबीच फ्रान्समा राष्ट्रपतिय निर्वाचन हुन लागेको हो । बिदेशमा रहेका करिब १० लाख फ्रान्सेली नागरिकले आफनो मताधिकारको प्रयोग गरिसकेका छन । राष्ट्रपतिका लागि ११ जना चुनावी मैदानमा होमिएका छन । ती मध्ये पा“च जनाबीच कडा प्रतिष्पर्धा हुने अनुमान गरिएको छ । नेशनल फ्रन्टका मैरिन ल पेन, एन मार्शका इम्यानुल म्याक्रो, दि रिपब्लिकन्सका फ्रान्स्वां फियो, ला फ्रान्स इन्सोमाइजका जां लुक मेलाशो र सोसलिष्ट पार्टीका बेनवा एमोबीच कडा प्रतिष्पर्धा हुने अनुमान गरिएको छ । मतदाताको सुरक्षाका लागि ५० हजार प्रहरी र ५ हैजार सेना तैनाथ गरिएको छ । केही दिन अगाडि राजधानी पेरिसको मुख्य सडकमा प्रहरी बसलाइ लक्षित गरी बिष्फोट गराइएपछि सुरक्षा व्यवस्था कडा पारिएको हो ।

बैशाख १०, २०७४ . सरकार र आन्दोलनरत मधेसी मोर्चाबीच दुइ चरणमा स्थानीय तहको निर्वाचन गर्ने  सहमति भएको छ । प्रधानमन्त्री निवास बालुवाटारमा भएको छलफलमा संविधान संशोधन प्रस्ताव परिमार्जनसहित पारित गर्ने र मधेशी मोर्चा पनि निर्वाचनमा सहभागी हुने सहमति भएको हो । लामो गृहकार्यपछि मोर्चाले घोषणा गरेको आमहडतालसहितका आन्दोलनका कार्यक्रम स्थगित भएका छन । आज बस्ने मन्त्रिपरिषद् बैठकले संशोधन प्रस्तावको परिमार्जनमाथि आवश्यक निर्णय गर्नेछ । यस्ता छन सहमतिका बुँदा ः

• बैशाख ३१ गतेको लागि घोषित स्थानीय निकायको चुनाव दुई चरणमा गरिने ।
• पहिलो चरणमा ३, ४ र ६ नम्बर प्रदेशमा निर्वाचन गर्ने ।
• बाँकी प्रदेशमा जेठ ३१ गते दोस्रो चरणको निर्वाचन गर्ने ।
• सरकारले मोर्चासँग आज भएको सहमति अनुसार परिमार्जनसहित संविधान संशोधन विधेयक फास्ट ट्र्याकबाट पास गराउने । भोली बस्ने मन्त्रिपरिषदको बैठकले यसबारे निर्णय लिदै संसदमा दर्ता गर्ने ।
• तराईका केही जिल्लामा स्थानीय निकायको संख्या थपिने । निर्वाचन आयोगसग त्यसबारे परामर्श गरिने ।
• स्थानीय निकायको संख्या स्थानीय तह पुनर्संरचना आयोगको प्रतिवेदनअनुसार हुने ।
• प्रदेश सिमांकनको बिषय संघीय आयोगको प्रतिवेदनअनुसार हुने ।
• भाषा आयोगको प्रतिवेदनअनुसार संविधानको अनुसुचीमा राष्ट्रिय भाषा थपिने ।
• मोर्चाले घोषित आन्दोलनका कार्यक्रम स्थगित गर्ने ।

एमाले असन्तुष्ट

सरकार र मोर्चाबीचको सहमतिप्रति बिपक्षी नेकपा एमाले भने असन्तुष्ट बनेको छ । एमालेले कुनैपनि हालतमा दुइ निर्वाचन चरणमा हुन नसक्ने भन्दै सहमतिलाइ निर्वाचन नगर्ने षडयन्त्र भएको टिप्पणी गरेको छ  ।

बैशाख ९, २०७४ । भारतमा जारी इण्डियन प्रिमियर लिग (आइपिएल) अन्तर्गत गुजरातले कोलकाता नाइट राइडर्समाथि चार विकेटको जित निकालेको छ । १ सय ८८ रनको लक्ष्य गुजरातले खेल सकिन दश बल अगावै ६ विकेट गुमाएर लक्ष्य भेट्टाएको हो । उसका लागि कप्तान सुरेश रैनाले ८४ रन बनाए । त्यस्तै ब्राण्डम म्याकलम ३३ र आरोन फिन्च ३१ रनमा आउट भए । बलिङतर्फ कोलकाताका नाथन कोल्टर नाइल र कुलदीप यादवले समान दुई–दुई विकेट लिए । यसअघि टस हारेर पहिले ब्याटिङ गरेको कोलकाताले निर्धारित बीस ओभरमा पांच विकेट गुमाएर १ सय ८७ रन बनाएको थियो । उसका लागि रोबिन उथप्पाले ७२ तथा सुनिल नरायनले ४२ रन बनाए । प्रतियोगिता अन्तर्गत शनिवार राइजिङ पुने सुपरजायन्ट र सनराइजर्स हैदराबाद तथा मुम्बई इण्डियन्स र दिल्ली डेयर डेभिल्सबीच प्रतिस्पर्धा हुनेछ ।।।

बैशाख ९, २०७४ । अफगानिस्तानमा बिद्रोही तालिवानले शैन्य शिविरमा भिषण आक्रमण गर्दा कम्तिमा ७० जवान मारिएका छन । अफगानिस्तानको उत्तरी शहर मजार ए शरिफको बाहिरी इलाकामा आक्रमण भएको सैन्य अधिकारीहरुले बताएका छन । सेनाको बर्दिमा आएका बिद्रोहीले नमाज पढेर बाहिर आइरहेकाबेला सेनामाथि आक्रमण गरेका थिए । तालिबान समूहले घटनाको जिम्मेवारी लिएको छ ।

बैशाख ९, २०७४ । परिमार्जन सहित संविधान संशोधन प्रस्ताव पारित गर्न सत्तापक्ष तयार भएपछि सरकार र मधेशी मोर्चाबीच सहमतिको सम्भावना बढेको छ । नयाँ संशोधन प्रस्तावमा असहमती जनाउदै स्थानीय निर्वाचन बहिष्कारको घोषणा गरेको मोर्चाले परिमार्जन सहित संशोधन प्रस्ताव पारित गर्न सरकार तयार भए निर्वाचनमा सहभागी हुने जनाएको छ । संशोधन प्रस्तावमा सहमती जुटाउन २–२ जना सदस्य रहने गरी चार सदस्यीय कार्यदल गठन गरिएको छ । कार्यदलमा कांग्रेसका तर्फबाट कृष्णप्रसाद सिटौला र राप्रपाबाट बुद्धिमान तामाङ तथा मोर्चाका तर्फबाट लक्ष्मणलाल कर्ण र राजेन्द्र श्रेष्ठ सदस्य हुनुहुन्छ । कार्यदलले आज बिहान छलफल गरी तयार पारेको प्रस्तावमा दिउ“सो २ बजे बस्ने संयुक्त बैठकमा छलफल हुने नेताहरुले बताएका छन् । मोर्चाका नेताहरुले सिमांकन हेरफेरका लागि धारा २ सय ७४ को संशोधन, संघीय अयोगको क्षेत्राधिकार, स्थानीय तहको संख्या वृद्धि र स्थानीय तहलाई प्रदेश मातहत राख्ने गरि राजनीतिक सहमती जुटे स्थानीय निर्वाचनमा सहभागि हुने बताएका छन । निर्वाचन अगाडीनै संविधानमा उल्लेख भए अनुसार स्वयत्त, विशेष र संरक्षित क्षेत्र टुङ्गो लगाउनुपर्ने मोर्चाको माग छ ।

बैशाख ७, २०७४ । मन्त्रिपरिषदको बैठकले नेपाल वायु सेवा निगमको दुई वाइडबडी जहाज खरिदका लागि जमानत बस्ने निर्णय गरेको छ । प्रधानमन्त्री निवास बालुवाटारमा बिहीबार बिहान बसेको बैठकले एयरबस खरिदमा जमानत बस्ने निर्णय गरेको उर्जामन्त्री जनार्दशन शर्माले जानकारी दिनुभयो । विमान खरिदका लागि नेपाल एयरलाइन्स र अमेरिकन लिजिङ कम्पनी (एएआर) कर्पोरेसनबीच खरिद सम्झौता भइसकेको छ । यस्तै, बैठकले प्रधानसेनापति राजेन्द्र क्षेत्रीको अमेरिका भ्रमण पनि अनुमोदन गरेको छ । बैठकले सिन्धुलीको दुम्जामा विपी कोइराला तथा रामेछापमा पुष्पलाल श्रेष्ठको नामबाट पार्क निर्माणका लागि ५० र ५० लाख रुपैया“ दिने निर्णय गरेको छ । बैठकले युरोपियन युनियनलाई जग्गा खरिदको अनुमति दिएको छ । नेपाली सेनाका प्रमुख सेनानी गौरव केसीलाई महासेनानीमा बढुवा गर्ने निर्णय बैठकले गरेको छ ।।।